Travel november

November er så trist og grå, slik syng me i Prøysen si vise om alle månadane i året. I min jobb er november fyrst og fremst ein travel månad,  mangt som skal gjerast, og lita tid til blogging.
I tilegg har det vore eit alvorleg ruskever. Bilete over er teke i kuling og regn. Hadde de sett bak kamera så hadde de sett meg ståande å tvihalda på kamerastativ og paraply. Sikkert eit komisk syn.
 Eg synes uver kan vera veldig fasinerande - det tek tak i deg og ruskar til. Fint med ei utblåsing av og til, og så ordnar det seg det med å raka blokker, gjer seg pludseleg sjølv kan du seia.
Men sjølv om de har vore travelt så har me fått spekelåret opp av saltlaken, og hengt det til tørk ved ovnen. Det ser godt ut så langt, men me er spent på kor salt det vert.
Det vart mørkt før eg kunne sige ned i godstolen etter middagen i dag Herleg stund med Stine framfor barnetv, og eg med kaffi og nytt nummer av "Lev landlig"

Bladet var fullt av gode juletips.

Ikkje lenge nå til eg skal pynte til jul i hus og fjos - kva gjer det om november er travel når ein har heile jula å gle seg til.

Bilete frå fjoset julepynta til besøk i fjor - glede megtil å få pynta igjen