Sterke karar og blomster"potter"

Dette er halve ringen etter deling

Av og til skulle eg ønska at uteområdet vårt var litt meir planlagt. At eg liksom hadde ein utviklingsplan. Men det har eg aldri hatt, i Hykken har hagen vorte til etter innfallsmetoden. Litt rart igrunnen, for ellers i livet vil eg gjerne ha planar og kontroll.
Men så er det i hagen eg slappar av, så då er det vel som det skal vera.
Uansett så har eg enda opp med eit alfor stort gardsrom, med altfor mykje grå singel.
Så då naboen skulle grava litt uti marka og det kom opp i lyset nokre litt over middels store betongringer, tenkte eg at det må jo verta nokre store og fine blomsterurner.
Den betongringen eg fekk heim var altfor høg til å bruka, så den måtte delast, det tok Hykkenmannen seg av. Det var ei støvete og utfordrande oppgåve, så det hadde nok vore betre med to litt lågare ringar. Men "man tager hva man haver"
For å få dei trilla på plass i gardsrommet hadde eg bruk for dei sterke karane. Etter lydane å døma var det eit tungt arbeid eg hadde sett dei på.

Erlend - sterk kar 1

Olav - sterk kar 2

Betongring tog

Så var dei på plass

 No håpar eg at hengelobeliaen veks utover kanten og at buskane i midten veks seg stor
og kraftige så eg får litt fargeklatter i alt det grå.