Fin helg i august

Reine jungelen i staudebedet nå på hausten

 Av og til får me nokre helger som ikkje er akkurat som andre helger. Det treng ikkje vera store opplveingar inkludert eller store nyheter.
Av og til er det nok at helga kjem med fantastisk ver, og me kan berre vera heima og pusla på med sånt me likar.
Slik har me hatt det denne helga.  Me har site på terrasen og drukke kaffi, luka og pynta litt i nokre bed (og det var lenge sidan sist), me har flytta nokre tonn stein !! Og kome ganske langt med eit anna prosjekt eg skal koma tilbake til i eit innlegg seinare.

Stine nyt utelivet

Matpause i sola

Når sommaren dreg pusten og gjev oss sommarver så seint då er det berre å nyta utelivet. Frokost, middag og mellemat.

Rundt oss leika fire viltre kattungar. Dei er utruleg koselege når dei er så store som dei er nå. Men nå er det nok på tide å finna nye heimar til tre av dei. Dei er jo ikkje små og søte heile livet. Og seks kattar er nok i overkant, sjølv om me har god plass.

Ripssaft blanda med litt stikkelsbær

Har fått henta inn dei siste bæra og i dag. Så nå er det pause til epla er modne om nokre veker.
Har mest rips, men og litt solbær og stikkelsbær vart det i år.
Må nok få sett litt fleire bærtre i haust.
Det er veldig koseleg å sitja og henta bær, særleg om ein er fleire saman.

Me har og brukt tid på prosjekt "nytt spisebord" til fjoset. Er nå ferdig med "understellet" Så nå står det att å få ferdig 4,5 meter bordplate.
Men som sagt, får bruka eit eige innlegg på det, trur eg.

Ei god helg bør avsluttast som dette - fin kveld på terrasen.
Men kveldane er kaldare enn før i sommar, hausten er på veg.