Både vinter og vår

Fredag 8. mars - kvinnedagen. Og det eg hadde aller mest lyst til var å setja meg ved kjøkkenbordet, eta ein langsom frokost og drikka mange koppar kaffi.
Men det var arbeidsdag og berre å koma seg opp og ut.
Idet eg svinga ut frå gardsromet i bilen min, fall augene på klosterkokkene ved steingarden i hagen.
Eg visste ikkje eingong at dei var komne opp.

Har visst hatt det i overkant travelt dei siste par vekene.
Men der og då snudde dei tankane mine frå litt negativt til bare positivt.
Tenk i ettermiddag er det helg, eg kan reisa heim frå arbeid til ein hage der våren er på veg.

Og i dag skulle Stine ha med seg bestevennen heim frå barnehagen, dei gledde seg stort.
Jau, dette kom til å verta ein fin fredag.

Borte i eine hagen ligg restar av den store fonna me fekk før jul. Akkurat stor nok til at to små jenter fekk litt fart på akebrettet

Sanden i sandkassa var hard og frosen, men med litt jobb så gjekk det ann å få grava litt.

Verdens alle beste venner.
Varmer sine kalde hender.
På ein kopp med søt kakao.

Kritta hadde og overlevd den kalde vinteren, og kunne finnast fram.
Gildt å ha ein heil platting å teikna på.
Kjempefine kunstverk - som blir borte med neste regnskur.

For oss vaksne var det godt å ha ein god kaffikopp og fyr i bålpanna å varma oss på.
Ikkje heilt vårvarme enno - men nesten.

Kven som drikk frå kva for ein kopp - tja, kjem ann på kva som skal gjerast.

Håpar de alle saman får ei fantastisk vårhelg.