Kjøkkenhage på veg

Pallekarmar og maling klar

Eg har eigentleg lyst på lange, rette rekkjer med poteter, gulerøter, kål og andre meir spanande grønnsaker.
Men det er viktig å sjå si eiga begrensing - eg likar nemleg dårleg å luke.

Så då vil eg heller prøva på "palle karm" versjonen av kjøkkenhage. Då vert det lettare å nå over, og skulle eg synast at det er kjempegildt, så kan jo kjøkkenhagen utvidast med fleire kassar.
Har fått kjøpt pallekarmane gjennom mannen sin jobb, ein del av dei er brukte og nokså flisete, men det gjer ingenting til dette bruket. Eg vil setja to og to karmar oppå kvarandre for å få dei litt opp frå bakken.

Male litt og  gle seg til  ruccola, redikker og andre friske grønnsaker
 frå eigen produksjon

Våga meg på nokre spreke fargar, som i allefall vil lyse opp i hagen. Nå har karmane fått fyrste strøk med maling, har planar om strøk nummer to i kveld. Gler meg til å få desse fargeklattane ut i hagen.

Spreke fargar

Godt å ha ein heil låve å jobba i på ein regnversdag