Heimelaga saft

"Å i august kan du få, litt bær å leske deg på, det skinner rødt i rødt, og blinker blått i blått..."
August er tid for modne bær i hagen. Det er ikkje alle år eg får/tek meg tid til safting når bæra er modne, ofte havnar det meste i frysaren. Men i år er bæra modne før skulestart, så då er det berre å setja igang. Fekk bruka ein del restar av bær frå sist haust.
Hadde både litt blåbær og tyttebær att.
Far likar godt å reisa på bærtur, så det skulle vera mulig å få fyllt opp att lageret.

Den ivrigaste bærhentaren

Bærhenting er eigentleg ein sosial aktivitet.

Stine har gleda seg til bæra skulle verta modne,
og me skulle laga saft.

OPPSKRIFT PÅ DAMPKOKA SAFT

Fyll opp kokaren med bær, du kan blanda ulike sortar. 

Kok ut safta, det tek ca 1,5 - 2 timar.

Mål opp safta og ha ho i ei gryte.

Ha oppi sukker, ca 0,4 kg pr liter saft.

Rør sukkeret heilt ut.

Ha på kartongar - frys safta.

Nokre fine flasker til å ha i kjøleskapet

Fint å bruka juicekartongar til å fryse safta i.