Rabarbragrøt

Eller "rabarbragraud" som eg nok helst ville ha kalla det.
I hagen min står det ei tue rabarbra, det er etterkvart ein del år sidan eg planta den. Men rabarbra må jo vera ei av dei enklaste plantene ein kan ha i kjøkkenhagen. Uansett stell så kjem den kvar vår med nye raude stilkar.

Det er mykje godt ein kan laga av desse stilkane, men den gode gammle rabarbragrøten er kanskje den som smakar mest sommar spør du meg.
Ser og at ein no kan få kjøpt rabarbra på butikkane.

Mi oppskrift på rabarbragrøt
6 middles store rabarbra stilkar
0,5 liter vatn
1,5 - 3 dl sukker (litt etter kor søt du vil ha grøten)
1/2 vaniljestang
 Kok dette til rabarbraen er mør, det vil seie, den dett frå kvarandre.


Rist saman 2 ss potetmjøl med litt kaldt vatn i ei krukke. Hell dette over mens du rører. Kok opp.
Ha grøten over i skål, og sett den til avkjøling (På benken)

Mange likar å eta grøten med is eller fløte. Me likar han godt som han er, smakar mest sommar slik.

TIPS: For riktig å minnast barndommens sommar, kan du ta sukker i ein kopp, dyppe rabarbrastilken i sukkeret, og knaske ivei.